1)   ສ້າງແຜນເຄື່ອນໄຫວວິຊາການ

- ສ້າງແຜນເຄື່ອນໄຫວວິຊາການປະຈຳສົກຮຽນ ( ປະຕິທິນການສຶກສາ + ປະຕິທິນລົງຝຶກງານ ).

- ສ້າງແຜນງົບປະມານການຈັດຕັ້ງປະຕິບັດ ການຮຽນ-ການສອນ ພາກທິດສະດີ ແລະ ພາກປະຕິບັດ        ( ພາກປົກກະຕິ, DCT, CBT ) ໃຫ້ສອດຄ່ອງກັບການພັດທະນາຂອງວິທະຍາໄລວາງອອກ.

- ຈັດຕັ້ງຕາຕະລາງການຮຽນ-ການສອນປະຈຳອາທິດ, ເດືອນ, ພາກຮຽນ ແລະ ສົກຮຽນຂອງທຸກໆ ສາຂາວິຊາ ແລະ ລະບົບການຮຽນ.

- ສ້າງແຜນການ ຈັດສັນຫ້ອງຮຽນ, ຫ້ອງຝຶກງານ, ຫ້ອງທົດລອງ ແລະ ການນໍາໃຊ້ສື່ການຮຽນ-ການສອນ.

- ສ້າງລະບົບຕິດຕາມການປະຕິບັດໂຄງການຫລັກສູດ ແລະ ການນຳໃຊ້ສື່ການຮຽນ-ການສອນ ຂອງທຸກໆສາຂາວິຊາ ຢ່າງຕໍ່ເນື່ອງ ແລະ ເປັນປົກກະຕິ.

- ສ້າງແຜນການຊຸກຍູ້ ແລະ ຕິດຕາມການປະຕິບັດວຽກງານ ຂອງ ພາກວິຊາ ຫຼື ທຸກສາຂາວິຊາ, ສັບຊ້ອນວິຊາໃຫ້ຄູສອນ.

- ຄິດໄລ່ຊົ່ວໂມງສອນຂອງຄູ. ( ແຮງງານສອນ, ແກ້ເກຣດ, ຮຽນຄືນ )

- ສ້າງແຜນການຂຽນ ບົດສຶກສາໂຄງງານ, ການລົງຝຶກງານ, ການໃຫ້ຄຳປຶກສາ ແລະ ການປ້ອງກັນບົດສຶກສາໂຄງງານ/ບົດລາຍງານຈົບຊັ້ນຕາມໂຄງ ການຫລັກສູດ.

- ສ້າງແຜນໃນການເຮັດບົດຮຽບຮຽງ ແລະ ຈັດພິມ ປື້ມຄູ່ມືຮັບໃຊ້ການຮຽນ-ການສອນ ຕາມໂຄງການຫລັກສູດ, ໂດຍສົມທົບກັບພາກວິຊາ ແລະ ສາຂາວິຊາທີ່ກ່ຽວຂ້ອງ.

- ສະຫຼຸບການການເຄື່ອນໄຫວວຽກງານດ້ານວິຊາການ ເປັນໄຕມາດ ແລະ ເປັນສົກຮຽນ.

- ຂຶ້ນແຜນງົບປະມານຮັບໃຊ້ການໄປຕິດຕໍ່,ໄປສົງ ແລະ ຕິດຕາມປະເມີນຜົນການລົງເຝິກງານຕາມໂຄງການຫລັກສູດ.

- ສ້າງແຜນການເກັບໜ່ວຍກິດ, ດັດແກ້ເກຼດ (Grade) ແລະ ນໍາໃຊ້ປື້ມຕິດຕາມການຂື້ນຫ້ອງຮຽນຂອງນັກສຶກສາ ປະຈໍາຊຸດຮຽນ.

- ສ້າງແຜນຄຸ້ມຄອງສື່ການຮຽນ-ການສອນ 

2)   ຄຸ້ມຄອງ ແລະ ພັດທະນາຫລັກສູດ ແລະ ສື່ການຮຽນ-ການສອນ

- ສ້າງ, ປັບປຸງລະບົບຖານຂໍ້ມູນ, ລະບົບຄະແນນ, ໃບປະກາສະນິຍະບັດຂອງນັກສຶກສາ ແລະ  ຄູສອນ

- ຈັດສັນຫ້ອງຮຽນ, ຫ້ອງເຝິກງານ, ຫ້ອງທົດລອງ ແລະ ນຳໃຊ້ສື່ສານການຮຽນ-ກນສອນ ຢ່າງມີປະສິດທິຜົນ.

- ປະຕິບັດໂຄງການຫລັກສູດ ແລະ ການນຳໃຊ້ສື່ການຮຽນ-ການສອນ ຂອງທຸກໆສາຂາວິຊາ ຢ່າງຕໍ່ເນື່ອງ ແລະ ເປັນປົກກະຕິ.

- ຈັດຕັ້ງການຄົ້ນຄວ້າແຕ່ງບົດສອນ, ສ້າງແຜນການສອນປະຈຳພາກຮຽນຕາມໂຄງການຫລັກສູດ.

- ຄົ້ນຄວ້າ ແລະ ນຳສະເໜີ ການປັບປຸງເນື່ອໃນໂຄງການຫລັກສູດ ບາງລາຍວິຊາ ໃຫ້ສອດຄ່ອງສະພາບ ການ ຊົມໃຊ້ແຮງງານໃນແຕ່ລະໄລຍະ.

- ຈັດຕັ້ງຄົ້ນຄວ້າຮຽບຮຽງ ແລະ ຈັດພິມ ປື້ມຄູ່ມືຮັບໃຊ້ການຮຽນ-ການສອນ ຕາມໂຄງການຫລັກສູດ, ໂດຍສົມທົບກັບພາກວິຊາ ແລະ ສາຂາວິຊາທີ່ກ່ຽວຂ້ອງ.

- ຄຸ້ມຄອງວຽກງານການຜະລິດ ແລະ ສົ່ງເສີມລາຍຮັບວິຊາການ.

- ເກັບກໍາສັງລວມປຶ້ມຕໍາລາ ແລະ ສື່ການຮຽນ-ການສອນຂອງແຕ່ລະພາກວິຊາ.

3)   ຕິດຕາມ ແລະ ປະເມີນຜົນການຮຽນ-ການສອນ.

- ຈັດຕັ້ງການວັດ ແລະ ປະເມີນຜົນການຮຽນ-ການສອນ (ປະຈຳ ພາກ, ປີຮຽນ ແລະ ຊຸດຮຽນ )

- ສັງລວມ ການຂຶ້ນຫ້ອງສອນຂອງຄູ, ໂດຍສົມທົບ ພາກວິຊາກ່ຽວຂ້ອງ.

- ຄຸ້ມຄອງການຂຶ້ນທະບຽນ, ສຳເນົາ, ເອກະສານທາງດ້ານວິຊາການ (ສື່ການຮຽນ-ການສອນ).

- ຕິດຕາມການຈ່າຍຄ່າທະບຽນ, ຄ່າຮຽນຂອງນັກສຶກສາ ແລະ ຕິດຕາມງົບປະມານ ການຮຽນ-ການສອນຂອງແຕລະສົກຮຽນ.

- ສະຫຼຸບ ແລະ ປະກາດຜົນການປະເມີນການຮຽນປະຈຳພາກຮຽນ, ປີຮຽນ ແລະ ຊຸດຮຽນໃຫ້ນັກຮຽນ-ນັກສຶກສາຮັບຊາບ.

- ຄົ້ນຄວ້າ ແລະ ສະເໜີອອກໃບຢັ້ງຢືນການສຶກສາ, ໃບຄະແນນ ແລະ ປະກາສະນິຍະບັດ ຕາມໂຄງການຫລັກສູດທັງໄລຍະສັ້ນ, ໄລຍະກາງ ແລະ ໄລຍະຍາວ.

- ຄົ້ນຄວ້າ ແລະ ນຳສະເໜີ ຮ່າງຂໍ້ຕົກລົງແຕ່ງຕັ້ງຄະນະກຳມະການ ຮັບຜິດຊອບວຽກງານຕ່າງໆກ່ຽວກັບວຽກ ວິຊາການ.

- ສ້າງແຜນການຈັດຕັ້ງປະຕິບັດ ແລະ ປະເມີນຜົນການຮ່ວມໂມງສອນ ແລະ ການຄົ້ນຄວ້າບົດສອນຂອງຄູ ທັງ ພາກທິດສະດີ ແລະ ພາກປະຕິບັດ.

- ສັງລວມ ແລະ ປະເມີນຜົນການຈັດຕັ້ງປະຕິບັດໂຄງການຫລັກສູດທຸກໆ ສາຂາວິຊາ ທັງໄລຍະສັ້ນ, ໄລຍະ ກາງ ແລະ ໄລຍະຍາວ.

- ເກັບກຳສັງລວມລາຍລະອຽດວິຊາ, ແຜນການສອນຂອງຄູ.

- ຈັດຕັ້ງການຕິດຕໍ່, ຕິດຕາມ ການລົງຝຶກງານຂອງນັກສຶສາແຕ່ລະຊຸດ ໃນແຕ່ລະສົກຮຽນ

- ຕິດຕາມຄູໃນການໃຫ້ຄຳປຶກສາ ແລະ ການປ້ອງກັນບົດສຶກສາໂຄງການ/ບົດລາຍງານຈົບຊັ້ນ ຕາມໂຄງ ການຫລັກສູດ.

4) ຍົກລະດັບ ແລະ ເຝິກອົບຮົມຄູສອນ.

- ຂຶ້ນແຜນ, ສັງລວມ ແລະ ຄັດເລືອກບັນດາຫົວຂໍ້ທີ່ຈໍາເປັນໃນການຍົກລະດັບ ແລະ ຝຶກອົບຮົມໃຫ້ແກ່ຄູສອນ.

- ພັດທະນາແຜນການ, ສື່ ແລະ ເຄື່ອງມືປະເມີນ (ປະເມີນກ່ອນ ແລະ ຫລັງການຝຶກ) ຂອງການຝຶກອົບຮົມ.

- ສ້າງແຜນເຄື່ອນໄຫວ ການຈັດຕັ້ງປະຕິບັດວຽກງານຝຶກອົບຮົມແຕ່ລະຄັ້ງ, ພ້ອມກັບລົງຕິດຕາມກວດກາຢ່າງໃກ້ສິດ. 

- ສ້າງແບບຟອມໃນການປະເມີນຂະບວນການຝຶກອົບຮົມ ຂອງຄູຝຶກ, ຜູ້ເຂົ້າຮ່ວມການຝຶກອົບຮົມ ແລະ ສະຫລຸບລາຍງານໃຫ້ຂັ້ນເທິງຮັບຊາບ.

- ສ້າງແຜນທັດສະນະສຶກສາ ດ້ານວິຊາການ ທັງພະນັກງານ ແລະ ນັກສຶກສາ ໃນແຕ່ລະສົກຮຽນ

5) ຄົ້ນຄວ້າ, ວິໄຈ ແລະ ສ້າງນະວັດຕະກຳ

- ຄົ້ນຄວ້າ, ວິໄຈ ກ່ຽວກັບການນໍາໃຊ້ຫຼັກສູດຢ່າງມີປະສິດຕິພາບ ແລະ ປະສິດຕິຜົນ.

- ສຳຫຼວດ ແລະ ເກັບກຳສະຖິຕິ, ຂໍ້ມູນ-ຂ່າວສານ ຂອງວິທະຍາໄລ ເພື່່ອເຮັດການວິໄຈເຂົ້າໃນການວາງແຜນພັດທະນາວິທະຍາໄລ.

- ຄົ້ນຄວ້າ ແລະ ປະດິດສິ່ງໃໝ່ໆ ຫຼື ນະວັດຕະກຳຕາມໂຄງການຫຼັກສູດໂດຍສົມທົບກັບພາກວິຊາຕ່າງໆ.

- ໂຄສະນາເຜີຍແຜ່ ຜົນງານ ທາງດ້ານວິຊາການຕ່າງໆ ລວມທັງຜົນສຳເລັດຂອງການຮຽນ- ການສອນ.

6) ຄຸ້ມຄອງຫ້ອງສະໝຸດ ແລະ ສື່ເອເລັກໂຕຼນິກ

- ສ້າງ, ປັບປຸງລະບົບຖານຂໍ້ມູນ ຢ່າງເປັນລະບົບ.

- ສ້າງໂຄງການພັດທະນາ ແລະ ຄຸ້ມຄອງຫ້ອງສະມຸດ, ປະກອບເອກະສານຕຳລາວິຊາການ, ສະໜອງໃຫ້ແກ່ ການຄົ້ນຄວ້າຂອງຄູ-ອາຈານ ແລະ ນັກສຶກສາຢ່າງພຽງພໍ.

- ຕິດຕັ້ງ ແລະ ບຳລຸງຮັກສາຄອມພີວເຕີ ແລະ ອຸປະກອນໄຟຟ້າເອເລັກໂຕຼນິກສຳລັບຫ້ອງຄອມພິວເຕີ ເພື່ອ ໃຊ້ການຮຽນສອນ.

7)   ກວດກາ, ຕິດຕາມ, ປະເມີນຜົນ ແລະ ປະກັນຄຸນນະພາບ

- ຂຶ້ນແຜນງົບປະມານໃນການຮັບໃຊ້ວຽກງານປະກັນຄູນນະພາບ QA ພາຍໃນ ແລະ ພາຍນອກ.

- ສ້າງເຄື່ອງມືເກັບກຳຂໍ້ມມູນຫຼັກຖານ  ແລະ ການສຳພາດນັກສຶກສາ,ພະນັກງານ,ຜູ້ບໍລິຫານ, ອາດິດນັກສຶກສາ ແລະ ສະຖານປະກອບການ.ສ້າງແຜນດຳເນີນກິດຈະກຳຕ່າງໆຂອງວຽກງານປະກັນຄູນນະພາບ QA ພາຍໃນ ແລະ ພາຍນອກ.

- ເຜີຍແຜ່ວຽກງານດັ່ງກ່າວໃຫ້ພະນັກງານ ແລະ ນັກສຶກສາຮັບຊາບທົ່ວເຖິງ.

- ກຳເກັບ, ສັງລວມ, ຂໍ້ມູນຫຼັກຖານຕ່າງໆ ຂອງແຕ່ລະມາດຕະຖານ.

- ຂຽນບົດລາຍງານປະເມີນຕົນເອງ ແລະ ສະຫຼຸບຖອນຖອນບົດຮຽນ.

8) ການແຂ່ງຂັນທັກສະສີມືແຮງງານຂອງນັກສຶກສາ

- ຈັດກອງປະຊຸມປຶກສາຫາລືຮ່ວມກັບບັນດາສະຖານການສຶກສາທີ່ກ່ຽວຂ້ອງເພື່ອກະກຽມການແຂ່ງຂັນ.

- ປະສານສົບທົບກັບພາກສ່ວນທີ່ກ່ຽວຂ້ອງ ແລະ ສ້າງແຜນການແຂ່ງຂັນທັກສະສີມືຂອງນັກສຶກສາປະຈຳປີທັງພາຍໃນ ແລະ ພາຍນອກ.

- ສັງລວມແຜນງົບປະມານການແຂ່ງຂັນ, ການຝຶກຊ້ອມ - ການແຂ່ງຂັນແຕ່ລະຄັ້ງ.

- ຕິດຕາມ, ກວດກາ, ສະຫຼຸບ ຖອດຖອນບົດຮຽນ ການແຂ່ງຂັນແຕ່ລະຄັ້ງ.

- ລາຍງານຜົນການຈັດຕັ້ງປະຕິບັດໃຫ້ທາງຂັ້ນເທິງຮັບຊາບ.

9) ປະຕິບັດວຽກງານອື່ນໆຕາມການມອບໜາຍຂອງຜູ້ອຳນວຍການ.