ທີ່ວິທະຍາໄລ ເຕັກນິກ-ວິຊາຊີບ ຫຼວງພະບາງ, ພວກເຮົາເຊື່ອໝັ້ນວ່າການສຶກສາວິຊາຊີບທີ່ມີຄຸນນະພາບ ຕ້ອງໄປຄຽງຄູ່ກັບການມີຈິດສຳນຶກຮັບຜິດຊອບຕໍ່ສັງຄົມ. ດັ່ງນັ້ນ, ວິທະຍາໄລຈຶ່ງໄດ້ສົ່ງເສີມໃຫ້ຄະນະນຳ, ຄູ-ອາຈານ ແລະ ນັກສຶກສາ ນຳເອົາທັກສະຄວາມຊຳ​ນາຍ​ຈາກຫ້ອງຮຽນມາສ້າງປະໂຫຍດໃຫ້ແກ່ຊຸມຊົນ ແລະ ໜ່ວຍງານຕ່າງໆຢ່າງເປັນຮູບປະທຳ.

ກິດຈະກຳການບໍລິການສັງຄົມບໍ່ພຽງແຕ່ເປັນການຊ່ວຍເຫຼືອພາກສ່ວນອື່ນ, ແຕ່ຍັງເປັນການສ້າງປະສົບການຕົວຈິງ ແລະ ຝຶກຝົນທັກສະໃຫ້ນັກສຶກສາໄດ້ກຽມພ້ອມກ່ອນອອກສູ່ຕະຫຼາດແຮງງານ.