ສ້າງ ແລະ ພັດທະນາ ບຸກຄະລາກອນວິຊາຊີບ ໃຫ້ເປັນພົນລະເມືອງດີ ມີຄຸນນະພາບ ສອດຄ່ອງກັບການພັດທະນາ ເສດຖະກິດສັງຄົມ ໃນແຕ່ລະໄລຍະ ທັງພາຍໃນ ແລະ ພາກພື້ນ.
#ຮຽນວິຊາຊີບຫາວຽກເຮັດໄດ້ງ່າຍລາຍໄດ້ດີມີຊີວິດສົດໃສ
ວິທະຍາໄລເຕັກນິກ - ວິຊາຊີບຫຼວງພະບາງ ເປີດສອນໃນ 5 ພາກວິຊາ ຄື: ພາກວິຊາບໍລິຫານທຸລະກິດ, ພາກວິຊາກໍ່ສ້າງເຄຫາສະຖານ, ພາກວິຊາບໍລິຫານການໂຮງແຮມ ແລະ ທ່ອງທ່ຽວ, ພາກວິຊາອຸດສາຫະກຳ, ພາກວິຊາເຕັກໂນໂລຊີໄຟຟ້າ ແລະ (1) ສູນຝຶກອົບຮົມບໍລິຫານການໂຮງແຮມ ແລະ ການທ່ອງທ່ຽວ (ລານິດ)
ປັດຈຸບັນວິທະຍາໄລເຕັກນິກ-ວິຊາຊີບຫລວງພະບາງ ປະກອບມີ 3 ພະແນກການທີ່ເປັນເສນາທິການໃຫ້ແກ່ຄະນະພັກ ຄະນະອຳນວຍການໃນການບໍລິຫານວິທະຍາໄລ ຄື: ພະແນກບໍລິຫານ ແລະ ຈັດຕັ້ງພະນັກງານ, ພະແນກວິຊາການ, ພະແນກກິດຈະການນັກສຶກສາ ແລະ ປະກອບມີ 5 ພາກວິຊາຄື: ພາກວິຊາບໍລິຫານທຸລະກິດ, ພາກວິຊາເຕັກໂນໂລຊີໄຟຟ້າ, ພາກວິຊາບໍລິຫານໂຮງແຮມ ແລະ ການທ່ອງທ່ຽວ, ພາກວິຊາກໍ່ສ້າງເຄຫະສະຖານ, ພາກວິຊາອຸດສະຫະກຳ ແລະ ພາກວິຊາວິທະຍາສາດພື້ນຖານ ແລະ 1 ສູນຝືກອົບຮົມຄື: ສູນຝຶກອົບຮົມບໍລິຫານໂຄງແຮມ ແລະ ການທອງທຽວ.
ໃນອະດີດວິທະຍາໄລເຕັກນິກ-ວິຊາຊີບຫຼວງພະບາງ ແຫ່ງນີ້ມີຊື່ວ່າ: ໂຮງຮຽນມັດທະຍົມແບບປະສົມຟ້າງຸ່ມ 4 ຫຼວງພະບາງ ເຮັດໜ້າທີ່ການສອນການຮຽນຢູ່ໃນ 4 ສາຂາວິຊາຄື: ກະເສດສາດ,ເຄຫະກຳສິນ,ອຸດສາຫະກຳສິນ,ພານິດສະກຳສິນ ໂຮງຮຽນຫລັງດັ່ງກ່າວ ໄດ້ຮັບການສ້າງຕັ້ງຂື້ນໃນປີ 1968 ແລະ ໄດ້ດຳເນີນການຮຽນ-ການສອນ ຈົນເຖິງ ປີ 1975 ພາຍຫລັງທີ່ປະເທດຊາດໄດ້ຮັບການປົດປ່ອຍອອກຈາກແອກຄອບຄອງຂອງພວກຈັກກະພັດອາເມລິກາ ແລະໄດ້ສະຖາປານາປະເທດຊາດ ມາເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີການປັບປຸງ ຂະຫຍາຍຕາໜ່າງການສຶກສາ ເພື່ອເຮັດໃຫ້ລູກຫລານ ຂອງພໍ່ແມ່ປະຊາຊົນບັນດາເຜົ່າ ໄດ້ເຂົ້າເຖິງການສຶກສາຮໍ່າຮຽນໂດຍທົ່ວເຖິງ ຍ້ອນມີຄວາມຈຳເປັນດັ່ງກ່າວຈຶ່ງໄດ້ມີການປ່ຽນມາເປັນ ໂຮງຮຽນມັດທະຍົມສາມັນສຶກສາ ໄດ້ດຳເນີນການຮຽນ-ການສອນຈົນມາເຖີງປີ 1978 ຈຶ່ງໄດ້ປ່ຽນເປັນໂຮງຮຽນສ້າງຄູຊັ້ນຕົ້ນຂອງແຂວງຫຼວງພະບາງ,ເຮັດໜ້າທີກໍ່ສ້າງຄູຕອບສະໜອງໃຫ້ແກ່ຄວາມຮຽກຮ້ອງຕ້ອງການຂອງການພັດທະນາການສຶກສານັບແຕ່ຂັ້ນແຂວງລົງເຖິງຂັ້ນທ້ອງຖິ່ນໃຫ້ທົ່ວເຖິງ.
ມາເຖີງປີ 1980 ປະເທດຊາດໄດ້ຮັບການພັດທະນາ, ທາງດ້ານເສດຖະກິດສັງຄົມມີການຂະຫຍາຍຕົວຢ່າງຕໍ່ເນື່ອງ,ຄວາມຕ້ອງການຂອງຕະຫລາດແຮງງານເພີ້ມຂຶ້ນ,ມີຄວາມຈຳເປັນໃນການຝຶກອົບຮົມວິຊາຊີບ,ກໍ່ສ້າງນາຍຊ່າງທີ່ມີສີມື ຕອບສະໜອງໃຫ້ແກ່ວຽກງານການພັດທະນາເສດຖະກິດສັງຄົມໃຫ້ມີຄວາມເໝາະສົມໃນແຕ່ລະໄລຍະດັ່ງນັ້ນຈຶ່ງຫັນເອົາໂຮງຮຽນສ້າງຄູຊັ້ນຕົ້ນແຂວງຫຼວງພະບາງ ປ່ຽນມາເປັນໂຮງຮຽນການຊ່າງຊັ້ນຕົ້ນຂອງແຂວງ ຫຼວງພະບາງ ເປີດສອນໃນຫຼັກສູດລະບົບ 8 + 2 ປະກອບມີ: ພະແນກຊ່າງກໍ່ສ້າງ, ພະແນກ ຊ່າງໄມ້, ພະແນກ ຄຸ້ມຄອງຫ້ອງການ ແລະ ພະແນກຕັດຫຍິບ.ໃນສົກຮຽນ 1997 – 1998 ໄດ້ມີການພັດທະນາຫຼັກສູດ ຈາກລະບົບ 8+2 ມາເປັນ ລະບົບ 8+3 ປະກາສະນິຍະບັດວິຊາຊີບຊຳນານງານ (ປວຊ) ແລະໄດ້ຈັດການຮຽນ-ການສອນຈົນເຖີງສົກຮຽນ 2000 - 2001. ໃນສົກຮຽນ 2001-2002 ພວກເຮົາກໍ່ໄດ້ປ່ຽນຊື່ຈາກໂຮງຮຽນການຊ່າງຊັ້ນຕົ້ນ ແຂວງຫຼວງພະບາງ ມາເປັນໂຮງຮຽນເຕັກນິກ - ວິຊາຊີບຫຼວງພະບາງ ໄດ້ຂະຫຍາຍວິຊາສະເພາະເພີ້ມຕື່ມໄດ້ແບ່ງອອກເປັນ 2 ລະບົບ ຄື: ລະບົບ 8+3 ( ປວຊ ) ແລະ ລະບົບ 11+2 ( ປຊຕ ) ປະກາສະນິຍະບັດວິຊາຊີບເຕັກນິກ. ມາຮອດປີ 2007-2008 ໄດ້ມີການປັບປຸງຫຼັກສູດໃໝ່ ແລະ ຍົກລະດັບມາເປັນ 11+2+1 ( ປວສ ) ປະກາສະນິຍະບັດວິຊາຊີບຊັ້ນສູງ. ເປັນຊັ້ນສູງລະບົບຕໍ່ເນື່ອງ ແລະ ລະບົບ 11+2+1.5 ; 11+2+2 ຊັ້ນສູງລະບົບເຊື່ອມຕໍ່, ດຳເນີນການຮຽນ-ການສອນໃນ 5 ພະແນກຄື: ພະແນກບໍລິຫານທຸລະກິດ, ພະແນກບໍລິຫານໂຮງແຮມ ແລະ ການທ່ອງ ທ່ຽວ, ພະແນກໄຟ້ຟ້າເຕັກນິກ ແລະ ພະແນກກໍ່ສ້າງເຄຫະສະຖານ ແລະ ສ້າງຄູອາຊີວະສຶກສາ ປີ 2014-2015 ໄດ້ສືບຕໍ່ຂະຫຍາຍຫຼັກສູດລະບົບຊັ້ນສູງ 12+3 ສາຂາວິຊາຄອມພີວເຕີທຸລະກິດ ແລະ ລະບົບ 9+3+2 ສາຂາວິຊາໄຟຟ້າເຕັກນິກ, ສາຂາຊ່າງສ້ອມແປງລົດຍົນ, ສາຂາວິຊາການບັນຊີ ແລະ ສາຂາຊ່າງຈອດ ແລະ ທໍ່ນໍ້າ. ຕະຫລອດໄລຍະຜ່ານມາທາງ ການນຳຂັ້ນເທິງ ໂດຍສະເພາະ ກົມອາຊີວະສຶກສາ , ກະຊວງສຶກສາທິການ ແລະ ກິລາ ຍາມໃດກໍໄດ້ເອົາໃຈໃສ່ຊີ້ນຳ ນຳພາ ລົງໃກ້ຊິດຕິດແທດ ຊຸກຍູ້ສົ່ງເສີມ ເພື່ອພັດທະນາວຽກງານ ການຮຽນ-ການສອນ,ການພັດທະນາຫລັກສູດ ແລະ ຍົກລະດັບໃຫ້ແກ່ພະນັກງານຄູອາຈານ ໃຫ້ມີຄວາມຮູ້ຄວາມສາມາດສູງຂຶ້ນ ເລື້ອຍໆ ແລະກໍມີການພັດທະນາມາຢ່າງເປັນລະບົບຕໍ່ເນື່ອງ ມາເຖີງສົກຮຽນ 2015 ຈົນໄດ້ຮັບການຮັບຮອງຈາກກົມອາຊີວະສຶກສາ, ກະຊວງສຶກສາທິການ ແລະ ກິລາ ໃຫ້ຍົກລະດັບ ຈາກໂຮງຮຽນເຕັກນິກ-ວິຊາຊີບຫລວງພະບາງມາເປັນ ວິທະຍາໄລເຕັກນິກ-ວິຊາຊີບ ຫຼວງພະບາງ ໃນວັນທີ່ 21 ກໍລະກົດ 2015. ປີ 2018- 2019 ໄດ້ເປີດສອນຫຼັກສູດໃໝ່ ອິກຕື່ມ 03 ຫຼັກສູດ ມີລາຍລະ ດັ່ງນີ້: ສາຂາ ການບໍລິການໂຮງແຮມ , ໃນລະບົບ ຊັ້ນກາງ 12+2,ສາຂາ ເລຂານຸການ, ໃນລະບົບ ຊັ້ນສູງ 12+3 , ສາຂາ ສ້ອມແປງ ແລະ ຕິດຕັ້ງເຄື່ອງເຢັນ - ເຄື່ອງປັບອາກາດ ໃນລະບົບ ຊັ້ນສູງ 12+3 , ແລະ ໄດ້ເປີດສອນຫຼັກສູດໄລະຍະສັ້ນ ໃນ ລະດັບ C2 (ໄລຍະ 03 ເດືອນ) ມີ: ຊ່າງຕັດຫຍິບ, ປຸງແຕ່ງອາຫານ, ກໍ່ສ້າງ, ຊ່າງໄມ້, ປີ 2020-2021 ໄດ້ເປີດສອນຫຼັກສູດໃໝ່ອິກໃນລະບົບຊັ້ນສູງ ແລະ ຊັ້ນກາງ ມີ 02 ສາຂາຄື: ສາຂາ ການຕະຫຼາດ ໃນລະບົບ ຊັ້ນສູງ 12+3, ການບໍລິການໂຮງແຮມ ໃນລະບົບ ຊັ້ນກາງ 9+3
ປັດຈຸບັນວິທະຍາໄລເຕັກນິກ-ວິຊາຊີບຫລວງພະບາງ ປະກອບມີ 3 ພະແນກການທີ່ເປັນເສນາທິການໃຫ້ແກ່ຄະນະພັກ ຄະນະອຳນວຍການໃນການບໍລິຫານວິທະຍາໄລ ຄື: ພະແນກບໍລິຫານ ແລະ ຈັດຕັ້ງພະນັກງານ, ພະແນກວິຊາການ, ພະແນກກິດຈະການນັກສຶກສາ ແລະ ປະກອບມີ 5 ພາກວິຊາຄື: ພາກວິຊາບໍລິຫານທຸລະກິດ, ພາກວິຊາເຕັກໂນໂລຊີໄຟຟ້າ, ພາກວິຊາບໍລິຫານໂຮງແຮມ ແລະ ການທ່ອງທ່ຽວ, ພາກວິຊາກໍ່ສ້າງເຄຫະສະຖານ, ພາກວິຊາອຸດສະຫະກຳ ແລະ ພາກວິຊາວິທະຍາສາດພື້ນຖານ ແລະ 1 ສູນຝືກອົບຮົມຄື: ສູນຝຶກອົບຮົມບໍລິຫານໂຄງແຮມ ແລະ ການທອງທຽວ.
ພາລະບົດບາດ
ມີພາລະບົດບາດກໍ່ສ້າງ, ບຳລຸງ, ຍົກລະການຮຽນ – ການສອນ ໃຫ້ຖັນແຖວພະນັກງານຫຼັກແຫຼ່ງ ຂອງແຂວງ, ເມືອງ, ຮາກຖານ ແລະ ພະນັກງານຫຼັກແຫຼ່ງທີ່ຂື້ນກັບກະຊວງ, ອົງການມີສຳນັກງານ, ຫ້ອງການຕັ້ງຢູ່ພາຍໃນແຂວງ, ເມືອງ ແລະ ຮາກຖານ..
ຜູ້ອຳນວຍການ ຊີ້ນຳລວມ
ຮອງອຳນວຍການ ຮັບຜິດຊອບຝາຍ ກິດຈະການ
ຮອງອຳນວຍການ ຮັບຜິດຊອບຝາຍວິຊາການ
ຮອງອຳນວຍການ ຮັບຜິດຊອບຝາຍ ບໍລິຫານ
