- Version
- Download 1
- File Size 5.55 MB
- File Count 1
- Create Date 30/06/2026
- Last Updated 30/06/2026
ມາແລ້ວ! ປຶ້ມແນະນຳວິທະຍາໄລ ປະຈຳສົກຮຽນ 2025-2026 (School Profile 2025-2026)
ວິທະຍາໄລ ເຕັກນິກ-ວິຊາຊີບ ຫຼວງພະບາງ (LTVC) ພູມໃຈນຳສະເໜີຂໍ້ມູນພາບລວມຂອງສະຖາບັນ ເພື່ອໃຫ້ທຸກທ່ານໄດ້ຮູ້ຈັກພວກເຮົາຫຼາຍຂຶ້ນ! ດ້ວຍປະສົບການການສ້າງບຸກຄະລາກອນມາຕັ້ງແຕ່ປີ 1980 ພວກເຮົາຕັ້ງໜ້າພັດທະນາການສຶກສາເພື່ອຕອບສະໜອງຄວາມຕ້ອງການຕະຫຼາດແຮງງານ ພາຍໃຕ້ວິໄສທັດການກ້າວໄປສູ່ການເປັນ Smart City ຂອງແຂວງຫຼວງພະບາງ.
ຈຸດເດັ່ນຂອງວິທະຍາໄລພວກເຮົາ:
ຫຼັກສູດຫຼາກຫຼາຍ ຕອບໂຈດຍຸກໃໝ່: ເປີດສອນຫຼາຍສາຂາວິຊາຊີບ ກວມເອົາ ຫຼັກສູດສັ້ນ ແລະ ຫຼັກສູດໄລຍະຍາວ ທັງໃນພາກວິຊາອຸດສາຫະກຳ, ເຕັກໂນໂລຊີໄຟຟ້າ, ບໍລິການ-ທຸລະກິດ, ບໍລິການໂຮງແຮມ-ທ່ອງທ່ຽວ ແລະ ກໍ່ສ້າງ-ເຄຫາສະຖານ.
ສິ່ງອຳນວຍຄວາມສະດວກຄົບຄັນ: ຫ້ອງຮຽນທັນສະໄໝພ້ອມ Smart Boards, ຫ້ອງຝຶກພາກປະຕິບັດຕົວຈິງໃນທຸກສາຂາ, ຫໍສະໝຸດ, ພື້ນທີ່ສີຂຽວ (Green TVET), ຫໍພັກນັກສຶກສາ ແລະ ເດີ່ນກິລາ.
ການຮ່ວມມືລະດັບສາກົນ: ມີການຮ່ວມມືກັບອົງການຈັດຕັ້ງສາກົນ, ສະຖານປະກອບການທັງພາຍໃນ ແລະ ພາຍນອກ ພ້ອມທັງມີນະໂຍບາຍທຶນການສຶກສາ ແລະ ສະໜອງເບ້ຍລ້ຽງສຳລັບນັກສຶກສາ.
ການປະກັນຄຸນນະພາບ: ໄດ້ຮັບລາງວັນ ASEAN Business Award 2022 ແລະ ຜ່ານການປະເມີນຄຸນນະພາບການສຶກສາ (QA) ພາຍໃນ ດ້ວຍຄະແນນສູງເຖິງ 83.33%.ຮຽນວິຊາຊີບທີ່ LTVC, ເນັ້ນການລົງມືປະຕິບັດຕົວຈິງ ຈົບມາແລ້ວມີວຽກເຮັດງານທຳແນ່ນອນ!