• ໜ້າວຽກປະຕິບັດ ແລະຄວາມຮັບຜິດຊອບໂດຍກົງ ມີດັ່ງລຸ່ມນີ້:

1) ວຽກງານ ຄຸ້ມຄອງອົງການຈັດຕັ້ງມະຫາຊົນ. 

- ເກັບກຳສະຖິຕິ-ຂໍ້ມູນຂອງສະມາຊິກພັກ, ອົງການຈັດຕັ້ງມະຫາຊົນ.

- ຄົ້ນຄວ້າສ້າງແຜນ ແລະ ຈັດເຝິກອົບຮົມທິດສະດີການເມືອງໃຫ້ຄູ-ອາຈານ ແລະ ພະນັກງານ.

- ຈັດຕັ້ງຄະນະກຳມະການສະເພາະກິດກວດກາພັກ-ລັດ.

- ຄົ້ນຄວ້າ ແລະ ປະຕິບັດລະບຽບຫລັກການກ່ຽວກັບວຽກງານສະຫວັດດີການ ແລະ ນະໂຍບາຍ.

- ຈັດຕັ້ງ ແລະ ນຳພາວຽກງານແຂ່ງຂັນການສ້າງຜົນງານຕ້ອນຮັບວັນສຳຄັນຕ່າງໆ ໃຫ້ເປັນຂະບວນຟົດຟື້ນ.

2) ສ້າງແຜນການ ແລະ ສະຫຼຸບສັງລວມ

- ສ້າງແຜນພັດທະນາການສຶກສາໄລຍະສັ້ນ ແລະ ໄລຍະຍາວໂດຍສົມທົບກັບພາກສ່ວນກ່ຽວຂ້ອງຕາມວິໄສທັດ ແລະ ພັນທະກິດຂອງວິທະຍາໄລ.

- ສ້າງແຜນພັດທະນາວິທະຍາໄລ ໄລຍະສັ້ນ ແລະ ໄລຍະຍາວ (5 ປີ, 10 ປີ, 30 ປີ).

- ສະຫຼຸບສັງລວມແຜນການຕ່າງໆເປັນເດືອນ, ເປັນໄຕມາດ, 6 ເດືອນ ແລະ 1ປີ.

- ສ້າງບົດລາຍງານກ່ຽວກັບສະພາບການຈັດຕັ້ງປະຕິບັດ ແລະ ການເຄື່ອນໄຫວຂອງວິທະຍາໄລ. 

3) ຄຸ້ມຄອງງົບປະມານ-ການເງິນ ແລະ ລາຍຮັບວິຊາການ.

- ຂຶ້ນແຜນລາຍຮັບ-ລາຍຈ່າຍດ້ານການເງິນປະຈຳງວດ ແລະ ປະຈຳປີ.

- ປະຕິບັດການຄຸ້ມຄອງລາຍຮັບ-ລາຍຈ່າຍຕາມລະບຽບຫລັກການການເງິນ.

- ສະຫລຸບລາຍຮັບ-ລາຍຈ່າຍປະຈຳເດືອນ, ປະຈຳງວດ ແລະ ປະຈຳປີ.

- ເກັບກຳລາຍຮັບວິຊາການ ແລະ ເບີກຈ່າຍຕາມລະບຽບການ.

- ຄຸ້ມຄອງ ແລະ ນຳໃຊ້ຄັງເງິນສົດຢ່າງມີປະສິດທິຜົນ.

- ເບີກຈ່າຍເງິນເດືອນ, ເງິນນະໂຍບາຍ ແລະ ເງິນຮ່ວງອື່ນເປັນປົກກະຕິ ແລະ ທັນເວລາ.

- ຄຸ້ມຄອງ ແລະ ຕິດຕາມວຽກງານງົບປະມານຕາມແຜນການແຕ່ລະໄລຍະເປັນປົກກະຕິ.

- ນຳໃຊ້ Software ເຂົ້າຊ່ວຍວຽກງານການເງິນ - ການບັນຊີຢ່າງເປັນລະບົບ.

4) ຄຸ້ມຄອງ ແລະ ພັດທະນາຄູ ແລະ ບຸກຄະລາກອນ

- ເກັບກຳ ແລະ ສັງລວມສະຖິຕິຂອງພະນັກງານ ພ້ອມກັບສ້າງແຜນຄວາມຕ້ອງການພະນັກງານໃໝ່, ແຜນບຳລຸງ-ກໍ່ສ້າງພະນັກງານ, ຕິດຕາມ-ກວດກາການປະຕິບັດໜ້າທີ່ຂອງພະນັກງານ-ຄູອາຈານ.

- ຈັດຂໍ້ມູນ ແລະ ເອກະສານທາງການຂອງລັດຖະກອນ, ພະນັກງານບຳນານ, ພະນັກງານສັນຍາຈ້າງ ແລະ ຄູຮັບເຊີນ.

- ຄົ້ນຄວ້າການບັນຈຸ ເລື່ອນຊັ້ນ-ຂັ້ນເງິນເດືອນໃຫ້ລັດຖະກອນ.

- ຄົ້ນຄວ້າການຍ້ອງຍໍ ແລະ ປະຕິບັດວິໄນຕໍ່ລັດຖະກອນ.

- ຄົ້ນຄວ້າການແຕ່ງຕັ້ງ ແລະ ສັບຊ້ອນບຸກຄະລາກອນເຂົ້າໃສ່ຕຳແໜ່ງງານ.

- ຄົ້ນຄວ້າວາງແຜນກໍ່ສ້າງພະນັກງານນຳພາ, ສືບທອດ ປ່ຽນແທນ.

- ຄົ້ນຄວ້າ ການຈັດສົ່ງບຸກຄະລາກອນໄປຍົກລະດັບຢູ່ທັງພາຍໃນ ແລະ ຕ່າງປະເທດ.

- ຄົ້ນຄວ້າຈັດກອງປະຊຸມ ດ້ານວຽກງານຈັດຕັ້ງ-ພະນັກງານ, ການບໍລິຫານຄຸ້ມຄອງ, ວຽກພັກ ແລະ ພະນັກງານ ໃຫ້ແກ່ພະນັກງານລັດຖະກອນ. 

- ຕິດຕາມ-ກວດກາ ການປະຕິບັດໜ້າ ຂອງພະນັກງານລັດຖະກອນດ້ວຍຄວາມໂປ່ງໃສ ແລະ ຍຸດຕິທຳ.

5) ປະຕິບັດນະໂຍບາຍ ແລະ ສະຫວັດດີການ

- ສ້າງແຜນປັບປຸງບັນດານິຕິກຳທີ່ຈຳເປັນໃຫ້ແກ່ການປະຕິບັດນະໂຍບາຍ ແລະ ສະຫວັດດີການໃຫ້ແທດເໝາະກັບສະພາບຕົວຈິງ.

- ເກັບກຳຈຳນວນສະຖິຕິຂອງຜູ້ທີ່ໄດ້ຮັບນະໂຍບາຍ.

- ສ້າງແຜນເຄື່ອນໄຫວເພື່ອສ້າງຫ້ອງສະສົມຜົນງານຂອງພະນັກງານ ແລະ ຫ້ອງການມູນເຊື້ອ

- ຕິດຕາມກວດກາແຜນການເຄື່ອນໄຫວໃນແຕ່ລະໄລຍະ.

- ເກັບກຳເອກະສານກອງທຶນສະຫວັດດີການ ແລະ ນະໂຍບາຍເປັນລະບົບ (ອປລ).

6) ຈັດຕັ້ງປະຕິບັດວຽກງານປ້ອງກັນຄວາມສະຫງົບ.

- ວາງແຜນ, ຕິດຕາມ-ກວດກາ, ສະຫຼຸບສັງລວມ ແລະ ພ້ອມທັງນຳສະເໜີແຕ່ງຕັ້ງຄະນະຮັບຜິດຊອບ.

- ຈັດຕັ້ງເວນຍາມພາຍໃນວິທະຍາໄລຕະຫລອດ 24 ຊົ່ວໂມງ ແລະ

ໃຫ້ຮັບປະກັນຄວາມປອດໄພທັງດ້ານຊັບສິດຂອງລວມ ແລະ ຂອງບຸກຄົນ.

- ຂຶ້ນແຜນຍົກລະດັບວຽກງານການປ້ອງກັນຄວາມສະຫງົບ ແລະ ວິຊາປ້ອງກັນຕົວ, ໂດຍສົມທົບກັບຄະນະພະແນກພາຍໃນ-ໃກ້ສິດ200 ຂອງແຂວງ.

7) ຄຸ້ມຄອງຫ້ອງການ ແລະ ພິທີການ. 

- ສ້າງແຜນການ ແລະ ສະຫຼຸບສັງລວມ ແຜນປະຈຳອາທິດ, ເດືອນ, ພາກຮຽນ ແລະ ສົກຮຽນ.

- ຕິດຕາມປະເມີນຄວາມຄືບໜ້າຂອງການປະຕິບັດວຽກງານຕາມແຜນດຳເນີນງານຂອງທຸກໆໜ່ວຍງານພາຍໃນວິທະຍາໄລ.

- ປະຕິບັດວຽກງານຂາເຂົ້າ-ຂາອອກ, ພິມ ແລະ ແຈກຢາຍເອກະສານ, ຮັບຕ້ອນ, ໂທລະສັບ, ໂທລະສານ ແລະ ວຽກງານປະຊາສຳພັນ.

- ສ້າງລະບົບຄຸ້ມຄອງຖານຂໍ້ມູນ, ການປະສານງານ, ການຈັດກອງປະຊຸມ, ການພົບປະ, ການນັດໜາຍ, ການຢ້ຽມຢາມ ແລະ ຮັບແຂກລະດັບຕ່າງໆ.

- ຄຸ້ມຄອງວັດຖຸອຸປະກອນຮັບໃຊ້ກອງປະຊຸມ ແລະ ວຽກງານພິທີການຕ່າງໆ.

- ບັນທຶກ ແລະ ລາຍງານຜົນຂອງກອງປະຊຸມແຕ່ລະຄັ້ງຕໍ່ຜູ້ແທນກອງປະຊຸມ ແລະ ຄະນະອຳນວຍການຮັບຊາບ.

- ບໍລິຫານ ແລະ ຄຸ້ມຄອງເອກະສານ ( Hard ແລະ Soft Copy ) ຢ່າງເປັນລະບົບ.

- ສ້າງແຜນຈັດສັນຄວາມເປັນລະບຽບ, ອານາໄມ ແລະ ປະດັບປະດາຫ້ອງການ, ຫ້ອງປະຊຸມ, ຫ້ອງນ້ຳ, ອາຄານສະ ຖານທີ່ ລວມທັງອຸປະກອນຮັບໃຊ້ປະຈຳວັນທີ່ຈຳເປັນ.

- ປະສານງານກັບໜ່ວຍງານອື່ນໆ ທັງໃນ ແລະ ນອກພະແນກຂອງຕົນ.

8) ພົວພັນຮ່ວມມື ແລະ ຄຸ້ມຄອງຂໍ້ມູນຂ່າວສານ.

- ສ້າງແຜນການຮ່ວມມື MOU ກັບສະຖານປະກອບການທັງພາກລັດ ແລະ ເອກະຊົນ ທັງພາຍໃນ ແລະ   

ຕ່າງປະເທດ ທີ່ຕິດພັນກັບທາງດ້ານພຶ້ນຖານໂຄງລ່າງ,ການສຳປະທານທີ່ດິນ, ກິດຈະກຳທີ່ກ່ຽວຂ້ອງການ    ຮຽນ-ການສອນ.

- ການປະສານງານດ້ານດ້ານບໍຫານ (ພື້ນຖານໂຄງຮ່າງ) ກັບໂຄງການ,ກັບການສະຖານປະກອບການທັງ

ພາກລັດ ແລະ ເອກະຊົນ ທັງພາຍໃນ ແລະ ຕ່າງປະເທດ

- ສ້າງແຜນການຮ່ວມມືທາງດ້ານວິຊາການ ເພື່ອພັດທະນາບຸກຄະລາກອນ ກັບ ອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ພ້ອມທັງຍາດແຍ່ງທຶນຊ່ວຍເຫຼືອຈາກອົງການຈັດຕັ້ງສາກົນອື່ນໆ.

- ສ້າງໂຄງການຮ່ວມພັດທະນາວິທະຍາໄລ ກັບ ການມີສ່ວນຮ່ວມຈາກຊຸມຊົນ ແລະ ສັງຄົມໃຫ້ຫຼາຍຂຶ້ນ.

- ສ້າງໂຄງການຮ່ວມມື ລະຫວ່າງຄະນະພາກວິຊາ ແລະ ພາກສ່ວນດຳເນີນທຸລະກິດ ທີ່ກ່ຽວຂ້ອງກັບພາກວິຊາ ( ສະໜັບສະໜູນຫຼັກຂອງຄະນະພາກວິຊາ ).

- ສ້າງແຜນການຄຸ້ມຄອງລະບົບເຄືອຂ່າຍ Internet-Network, ການນຳໃຊ້ e-mail  ແລະ Website ຂອງວິທະຍາໄລໃຫ້ເກີດປະໂຫຍດສູງສຸດ.

- ສ້າງແຜນການຄຸ້ມຄອງການເປີດບໍລິການ Internet  ເພື່ອຮັບໃຊ້ການຮຽນ-ການສອນ ແລະ ການຊອກ

ຄົ້ນຄວ້າຂໍ້ມູນພັດທະນາວິຊາການ.

- ອອກແບບ, ຖ່າຍທຳ ແລະ ຕັດຕໍ່ດ້ານວຽກງານ Graphic Designed, VIDEOS ກ່ຽວັບວຽກງານ

ຂໍ້ມູນຂ່າວສານຂອງ ວິທະຍາໄລ.

- ຕິດຕັ້ງ ແລະ ບຳລຸງຮັກສາຄອມພີວເຕີ ແລະ ອຸປະກອນໄຟຟ້າ-ເອເລັກໂຕຣນິກ ແລະ ເຄື່ອງໃຊ້ຕ່າງໆ

ສຳລັບຮັບໃຊ້ພາຍໃນພາກວິຊາ ແລະ ພະແນກພ້ອມກັບເປີດບໍລິການທົ່ວໄປ.

- ຄຸ້ມຄອງ ແລະ ນຳໃຊ້ e-mail ແລະ Website ຂອງວິທະຍາໄລເພື່ອການຕິດຕໍ່, ພົວພັນກັບພາຍນອກ ແລະ ສາກົນ.

- ສ້າງຖານຂໍ້ມູນການສຶກສາຂອງວິທະຍາໄລເພື່ອເຊື່ອມໂຍງກັບຖານຂໍ້ມູນອາຊີວະສຶກສາ ແລະ ສູນຂໍ້ມູນຂ່າວ ສານຂອງກະຊວງສຶກສາທິການ ແລະ ກິລາ.

9) ຄຸ້ມຄອງຊັບສິນ, ກໍ່ສ້າງ ແລະ ສ້ອມແປງ

- ຄຸ້ມຄອງ ແລະ ບູລະນະຮັກສາອາຄານສະຖານທີ່, ສຳນັກງານ, ຫ້ອງຮຽນ, ຫ້ອງທົດລອງ, ຫ້ອງສະມຸດ, ຫ້ອງເຝິກງານ, ສະໂມສອນ, ຫໍພັກຄູອາຈານພະນັກງານ ແລະ ນັກຮຽນ-ນັກສຶກສາ ຢ່າງເປັນລະບົບຄົບຊຸດ.

- ຄຸ້ມຄອງ, ນຳໃຊ້ທີ່ດິນ, ເຮືອນຫລວງ ແລະ ຊັບສິນຂອງລັດຢ່າງມີປະສິດທິຜົນ.

- ສ້າງແຜນພັດທະນາພື້ນຖານໂຄງລ່າງ, ອາຄານສະຖານທີ່ ແລະ ພົວພັນວຽກງານກໍ່ສ້າງພື້ນຖານກັບທຸກພາກ ສ່ວນທີ່ກ່ຽວຂ້ອງ.

- ສ້າງແຜນກໍ່ສ້າງ ແລະ ບູລະນະສ້ອມແປງວັດຖຸອຸປະກອນ ແລະ ອາຄານໂດຍນຳໃຊ້ຊົ່ວໂມງພາກປະຕິບັດ ຂອງນັກສຶກສາ, ຕາມສາຂາວິຊາສະເພາະ.

- ຕິດຕາມກວດກາ ແລະ ປະເມີນຜົນວຽກງານກໍ່ສ້າງ ແລະ ສ້ອມແປງເປັນປະຈຳ.

- ບໍລິຫານ ແລະ ຄຸ້ມຄອງວັດສະດຸ, ການຜະລິດ, ຜົນຜະລິດທີ່ເປັນຊັບສິນຂອງວິທະຍາໄລ.

- ສະເໜີແຕ່ງຕັ້ງໜ່ວຍສະເພາະກິດເພື່ອຕິດຕັ້ງ ແລະ ບຳລຸງຮັກສາ ພື້ນຖານໂຄງລ່າງ ພາຍໃນວິທະຍາໄລ.

- ຈັດຫາວັດຖຸອຸປະກອນເພື່ອຕອບສະໜອງ ຕໍ່ການຈັດການຮຽນ-ການສອນ

- ຈັດຊື້ ແລະ ປະມູນການຈັດໃຫ້ທັນເວລາ ແລະ ຖືກຕ້ອງຕາມລະບຽບການ.

- ຈັດຕັ້ງການຂຶ້ນທະບຽນວັດຖຸອຸປະກອນຊັບສິນຂອງລັດໃນທຸກໆພາກຮຽນ.

- ສ້າງແຜນການນຳໃຊ້ Software ເຂົ້າຊ່ວຍການການຄຸ້ມຄອງລະບົບສາງ ແລະ ນຳໃຊ້ອຸປະກອນເຄື່ອງຈັກ, ເຄື່ອງມື ແລະ ພາຫະນະຮັບໃຊ້ ການຮຽນ-ການສອນໃຫ້ເກີດປະໂຫຍດສູງສຸດ.

- ປະສານງານກັບໜ່ວຍງານອື່ນໆທັງໃນ ແລະ ນອກພະແນກຕົນເອງ.

10) ປະຕິບັດວຽກງານອື່ນໆຕາມການມອບໜາຍຂອງຜູ້ອຳນວຍການ