ໜ້າວຽກປະຕິບັດ ແລະ ຮັບຜິດຊອບໂດຍກົງ ມີດັ່ງລຸ່ມນີ້:
ໜ່ວຍງານວິຊາການພາກວີຊາ:
1) ດຳເນີນການຮຽນ-ການສອນພາກທິດສະດີ ແລະ ປະຕິບັດຕາມໂຄງການຫລັກສູດ:
- ປະຕິບັດ ຕາມໂຄງການຫລັກສູດແຕ່ລະພາກວິຊາ
- ປະຕິບັດຕາມຕາຕະລາງການຂຶ້ນຫ້ອງຂອງແຕ່ລະພາກວິຊາ
2) ວັດຜົນ-ປະເມີນຜົນ ການຮຽນ-ການສອນ.
- ຈັດການສອບເສັງນັກສຶກສາປະຈຳເດືອນ, ປະຈຳພາກຮຽນ ແລະ ປະຈຳປີຮຽນ )ເກັບຂໍມູນການລົງຝຶກງານ,ຄະແນນຝືກງານຂອງນັກສືກສາປີຊຸດທ້າຍ.
- ເກັບກຳຕິດຕາມການຂື້ນຫ້ອງຂອງຄູ ແລະ ນັກສຶກສາ.
- ລາຍງານຜົນການຮຽນຂອງນັກຮຽນປະຈຳເດືອນ, ປະຈຳພາກຮຽນ, ປະຈໍາປີທີ່ຂຶ້ນກັບໜ່ວຍວິຊາຂອງຕົນ.
- ລາຍງານການປະຕິບັດວຽກງານ ແລະ ສະພາບການຕ່າງໆໃນແຕ່ລະໄລຍະ ໃຫ້ຄະນະອຳນວຍການ ເປັນ ປົກກະຕິ.
3)  ສ້າງ ແລະ ພັດທະນາສື່ການຮຽນ-ການສອນ. 
- ສ້າງຕຳລາສອນ, ຊຸດການສອນ, ສື່ການຮຽນ-ການສອນໃນຮູບແບບຕ່າງໆ.
- ຄົ້ນຄວ້າ ແລະ ປັບປຸງບົດສອນ.
4)  ສ້າງຜະລິດຕະພັນ ແລະ ໃຫ້ການບໍລິການທາງວິຊາການ. 
- ຄົ້ນຄວ້າ ອອກແບບ ສ້າງສິ່ງປະດິດອັນໃໝ່ ຕາມຄວາມອາດສາມາດຂອງພາກວິຊາ.
- ສ້າງແຜນການເຄື່ອນໄຫວ ທາງດ້ານວິຊາການເພື່ອຊ່ວຍເຫຼືອຊຸມຊົນ ຕາມສາຂາອາຊີບ.
- ສົ່ງເສີມການສ້າງບົດໂຄງງານ ທົດລອງຂອງນັກສຶກສາຊັ້ນສູງປີສຸດທ້າຍ ໃຫ້ຕິດພັນກັບນະວັດຕະກໍາໃໝ່.
ໜ່ວຍງານບໍລິຫານຂອງພາກວິຊາ.
5)  ຈັດຕັ້ງປະຕິບັດແຜນການເຄື່ອນໄຫວຂອງວິທະຍາໄລ:
- ຂຶ້ນແຜນງົບປະມານການຈັດຕັ້ງປະຕິບັດແຜນການ ປະຈຳພາກຮຽນ, ປະຈຳປີ.
- ຈັດຕັ້ງເຜີຍແຜ່ນິຕິກຳຕ່າງໆໃຫ້ ພະນັກງານຄູອາຈານ ແລະ ນັກສຶກສາ.
- ຈັດຕັ້ງປະຕິບັດຕາມແຜນຂອງ 3 ພະແນກການຂອງ ວິທະຍາໄລວາງອອກ.
6)  ວຽກງານຄຸ້ມຄອງ 
- ສຶກສາອົບຮົມການເມືອງ-ແນວຄິດໃຫ້ແກ່ພະນັກງານ-ຄູອາຈານ.
- ຄຸ້ມຄອງຫ້ອງຮຽນ, ຫ້ອງເຝິກງານ, ຫ້ອງທົດລອງ ແລະ ອຸປະກອນຮັບໃຊ້ການຮຽນ-ການສອນ.
- ຄຸ້ມຄອງຂຶ້ນບັນຊີເຄື່ອງມື, ອຸປະກອນ ແລະ ເຄື່ອງຈັກ ຢ່າງເປັນລະບົບ.
- ບໍລິການແຈກຈ່າຍວັດສະດຸ, ເຄື່ອງມື ແລະ ອຸປະກອນຮັບໃຊ້ການຮຽນ-ການສອນ.
- ຂຶ້ນບັນຊີຕຳລາຮຽນ ແລະ ສື່ການຮຽນ-ການສອນ ຂອງພາກວິຊາ.
- ກວດກາ ແລະ ສ້ອມແປງເຄື່ອງຈັກ, ເຄື່ອງມື ແລະ ອຸປະກອນຕ່າງໆໃນແຕ່ລະໄລຍະ ເປັນປົກກະຕິ.
- ສະຫຼຸບຕີລາຄາຜົນການຈັດຕັ້ງປະຕິບັດຕາມແຜນການວາງອອກເປັນປະຈຳ  ອາທິດ, ເດືອນ, ປີ. 
ໜ່ວຍງານກິດຈະການນັກສຶກສາ
7) ຄຸ້ມຄອງຄູສອນ ແລະ ນັກຮຽນ-ນັກສຶກສາ ຂອງຕົນ. 
- ສຶກສາອົບຮົມການເມືອງ-ແນວຄິດໃຫ້ແກ່ພະນັກງານ-ຄູອາຈານ ແລະ ນັກສຶກສາ.
- ລົງທະບຽນ ແລະ ເກັບກຳສະຖິຕິນັກສຶກສາ ຂອງພາກວິຊາ.
- ນໍາພານັກສຶກສາເຂົ້າຮ່ວມຂະບວນການ ຕາມ 5 ຫຼັກມູນຂອງການສືກສາ.
- ສ້າງແຜນທັດສະນະຂອງນັກສືກສາ, ຝືກອົບຮົມຫົວຂໍ້ຕ່າງໆ
8) ປະຕິບັດໜ້າທີອື່ນໆຕາມການມອບໜາຍຂອງຄະນະອຳນວຍການ.