(07 ຕຸລາ 1994 - 07 ຕຸລາ 2023)
ວັນທີ 11 ເດືອນ ຕຸລາ 2023 ນີ້, ວິທະຍາໄລເຕັກນິກ-ວິຊາຊີບຫຼວງພະບາງ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ 7 ຕຸລາ ຄົບຮອບ 29 ປີ ຂື້ນທີ່ສະໂມສອນໃຫຍ່ຂອງວິທະຍາໄລ ໂດຍໃຫ້ກຽດເປັນປະທານຂອງ ທ່ານ ບຸນເຫຼື່ອມ ມະນີວົງ ກຳມະການປະຈຳພັກແຂວງ ຮອງເຈົ້າແຂວງຫຼວງພະບາງ, ມີ ທ່ານ ບຸນປັນ ທຳມະລັງກາ ຜູ້ອຳນວຍການວິທະຍາໄລ, ຄະນະອຳນວຍການ, ພະນັກງານບຳນານ, ແຂກທີ່ຖືກເຊີນ, ພະນັກງານຄູ-ອາຈານ ແລະ ນັກສຶກສາທັງໝົດພາຍໃນວິທະຍາໄລເຂົ້າຮ່ວມ, ໃນພິທີ ໄດ້ມີການເລົ່າປະຫວັດຄວາມເປັນມາຂອງວັນຄູແຫ່ງຊາດ 7 ຕຸລາ ເພື່ອເປັນການລະນຶກເຖິງຄຸນງາມຄວາມດີຂອງ ນາຍຄູ ຄໍາ, ເຊິ່ງເປັນຄູລາວຄົນທຳອິດ ທີ່ເຮັດໃຫ້ມີ ວັນນີ້ເປັນຕົ້ນມາ. ຈາກນັ້ນ ກໍ່ໄດ້ມີການມອບໃບຍ້ອງຍໍຂອງນາຍັກລັດຖະມົນຕີກະຊວງສຶກສາທິການ ແລະ ກິລາ ໃຫ້ແກ່ພະນັກງານຄູ-ອາຈານ ທີ່ມີຜົນງານດີເດັ່ນໃນການປະກອບສ່ວນເຫື່ອແຮງ, ສະຕິປັນຍາ ແລະ ຄວາມຮູ້ເຂົ້າໃນການປະຕິບັດໜ້າທີ່ວຽກງານການສຶກສາ, ວິທະຍາສາດ ແລະ ກິລາ ປະຈຳສົກຮຽນ2022-2023 ຈໍານວນ 118 ທ່ານ, ຍິງ 58 ທ່ານ ແລະ ຍ້ອງຍໍຈາກວິທະຍາໄລ ຈໍານວນ 6 ທ່ານ ຍິງ 1 ທ່ານ ແລະ ຕາງໜ້ານັກສຶກສາກໍ່ໄດ້ຂື້ນອ່ານສານອວຍພອນ ວັນຄູ 7 ຕຸລາ ໃຫ້ຄູທຸກຄົນ.
-----------------
071-212020
